Qəza şəraiti yaratmağı azmış kimi yolu kəsib "razborkaya" başladı - VİDEO

Bakıda qəza şəraiti yaradan sürücünün videosunu oxuculardan biri redaksiyamızın qaynar xəttinə göndərib. Avtosfer.az xəbər verir ki, hadisə mayın 9-da, paytaxtın Binəqədi şossesində baş verib. Belə ki, 99-NY-278 qeydiyyat nişanlı "VAZ" markalı avtomobilin sürücüsü hərəkətə başlayarkən görüntünü qeydə alan sürücüyə yol verməyib. Daha sonra isə siqnal səsindən xoşu gəlməyərək maşını piyada keçidinin üzərində saxlayaraq yolu kəsib. O, etdiyi səhv hərəkətə görə üzr istəmək əvəzinə, maşından düşərək özünü haqlı saymağa başlayıb.
Hadisə baş verən zaman intizamsızlıq edən sürücünün daha bir qayda pozuntusu üzə çıxıb. Videogörüntüdən də aydın şəkildə görünür ki, nəqliyyat vasitəsinin hərəkəti zamanı təhlükəsizlik kəmərindən istifadə etməyib.


Leyla