Sürətli yolda piyada keçidinin altından yolu keçib ölümə gedirlər - VİDEO

Bakıda ölümə gedən piyadaların hərəkəti avtomobildəki kameraya qeyd olunub. Avtosfer.az xəbər verir ki, paytaxtın Bilgəh yolunda yolu digər tərəfə keçmək istəyən piyadalar yaxınlıqdakı yerüstü keçiddən deyil, dəmir məhəccərləri aşaraq keçib. Yaxınlıqda xidmət aparan yol polisi əməkdaşları olsa da, onlar bu hərəkəti çəkinmədən edərək öz həyatlarını təhlükə altına atıblar.

Xəbər verdiyimiz kimi bir neçə gün öncə Sabunçu dairəsi yaxınlığında yolu piyadalar üçün nəzərdə tutulmayan yerdən keçən üç piyada avtomobil tərəfindən dəhşətli şəkildə vuruldu. Hadisə nəticəsində ana və 9 yaşlı oğlu faciəvi şəkildə həyatlarını itirdi, qadının bacısı isə ağır yaralandı.
Həmin ərazidə piyada keçidinin olmasına baxmayaraq onlar yolun hərəkət hissəsindən keçiblər.

Təqdim etdiyimiz bu videoda da aydın şəkildə görünür ki, qarşıda müasir şəkildə piyada keçidi inşa edilib. Lakin piyadalar yolun hərəkət hissəsindən istifadə edərək digər tərəfə keçirlər. Sonda avtomobil tərəfindən vurulduqda isə sürücü günahkar çıxarılır.

Fərid