Sürücü 100 minlik "Lexus"u avtomobilin üzərinə sürüb qəza şəraiti yaratdı - VİDEO

Bahalı avtomobillə qanunu pozan sürücü təhlükəli anlar yaşadıb. Avtosfer.az">Avtosfer.az xəbər verir ki, 90-PL-924 qeydiyyat nişanlı "Lexus" markalı avtomobilin sürücüsü iyulun 23-də Bakı-Sumqayıt yolunda hərəkət edərkən "Yol hərəkəti haqqında" qanunun 42-ci maddəsinin tələblərini pozub. O, dönmə işığını yandırsa da, manevr qaydasını düzgün həyata keçirtməyərək sağ zolaqdakı avtomobilə qəza vəziyyəti yaradıb.

Qeyd edək ki, Xırdalan dairəsi istiqamətinə gedən "Lexus"un sürücüsü öncədən sağ zolağa yerdəyişmə etməli idi.
Sürücülərə bir daha xatırladırıq ki, dönmə işıqları sürücüyə üstün keçid hüququ vermir. Həmin işıqlar hərəkət iştirakçılarına sadəcə manevrin həyata keçirilməsi ilə bağlı məlumat verir.

Təbriz