Xırdalanda sürücülər avtomobilləri harada gəldi saxlayıb sıxlıq yaradır - VİDEO

Xırdalanın mərkəzi küçələrində yaranan vəziyyət artıq vətəndaşların narahatlığına səbəb olur.

Avtosfer.az xəbər verir ki, şəhərin Heydər Əliyev prospektində avtomobillərini qanunazidd şəkildə saxlayan sürücülər piyadaların hərəkətinə də çətinlik yaradır. Belə ki, prospektin Xırdalan dəmiryolu vağzalına doğru olan hissəsində xaos daha da böyüyür. Həm ərazidəki iaşə obyektlərinin müştəriləri, həm də sakinlər avtomobilləri elə park edirlər ki, nəinki piyada, hətta avtomobillə də əraziyə girmək və çıxmaq mümkün olmur.

Sakinlər aidiyyəti qurumlardan yaranan vəziyyəti nəzarətə götürməyi və təcili tədbirlər görməyi tələb edir.

Səfər