Yolayrıcına çatan kimi qaydaları unutdular - 77-RZ-198 və 01-CA-308 - VİDEO

Abşeron rayonu, Xırdalan şəhərində qayda pozan sürücülər avtomobilin kamerasına düşüb.

Avtosfer.az-ın məlumatına görə, hadisə oktyabrın 28-də saat 12:13 radələrində qeydə alınıb.

Görüntülərdən aydın olur ki, 77-RZ-198 dövlət nömrə nişanlı “Toyota” və 01-CA-308 dövlət nömrə nişanlı “Hyundai” markalı avtomobillərin sürücüləri yolayrıcına daxil olarkən geriyə dönən nəqliyyat vasitələrinə yol verməyiblər. Onlar həmin avtomobillərin yolayrıcını tərk etməsini gözləmədən hərəkətlərini davam etdiriblər.

Bununla da kifayətlənməyən “Hyundai” sürücüsü sağa döndükdən sonra piyada keçidindən istifadə edən şəxslərə də yol verməyib.

Qeyd edək ki, svetoforun yaşıl işığı yansa belə, sürücülər yolayrıcını boşaltmaqda olan nəqliyyat vasitələrinə, eləcə də yolu keçməkdə olan piyadalara yol verməlidirlər. Bu tələbə əməl edilməməsi yol hərəkətinin digər iştirakçıları üçün qəza şəraiti yarada bilər.

Nərmin