Aeroport yolunda iki maşın toqquşub, xəsarət alanlar var - FOTO

TƏBİB bu gün Bakıda, aeroport yolunda baş verən qəzada xəsarət alanların vəziyyəti barədə məlumat yayıb.

Qurumdan apa-ya verilən məlumata görə, baş verən yol-nəqliyyat hadisəsi ilə əlaqədar TƏBİB-in tabeliyindəki Təcili Təxirəsalınmaz Tibbi Yardım Stansiyasının briqadaları əraziyə cəlb edilib.

Hadisə nəticəsində xəsarət alan 3 nəfər (1 qadın, 2 kişi) TƏBİB-in tabeliyindəki 3 saylı Şəhər Klinik Xəstəxanasına yerləşdirilib. Onlara zəruri tibbi xidmətlər göstərilib. Vəziyyətləri stabil olaraq qiymətləndirilir.

***

14.18

Bakının Suraxanı rayonunda ağır yol-nəqliyyat hadisəsi olub.

Avtosfer.az xəbər verir ki, qəza aeroport yolunda qeydə alınıb. Yolda "Hyundai" və "Toyota Prius" markalı avtomobillər toqquşub. İlkin məlumata görə, qəza nəticəsində 3 nəfər xəsarət alıb. Xəsarət alanlar 3 saylı şəhər xəstəxanasına yerləşdirilib.

Əraziyə polis əməkdaşları cəlb edilib.

Fakt araşdırılır.