Avtobus dərəyə aşdı - 37 nəfər öldü

Perunun cənubunda avtobus qəzaya uğrayıb, azı 37 nəfər həlak olub, 18 nəfər xəsarət alıb. Avtosfer.az xarici mediaya istinadən xəbər verir ki, hadisə Perunun cənubunda yerləşən Arekipa bölgəsində baş verib. Məlumata görə, avtobus idarəetməni itirərək magistral yoldan çıxaraq dərəyə aşıb. Hazırda 37 nəfərin öldüyü və 18 nəfərin xəsarət aldığı məlumdur. Hakimiyyət orqanları hələ ki, hadisəni şərh etməyib.