Avtobus və metro qatarı ilə toqquşdu: 55 yaralı - FOTO

ABŞ-da avtobus və metro qatarının iştirakı ilə yol-nəqliyyat hadisəsi baş verib. Avtosfer.az xarici KİV-ə istinadən xəbər verir ki, hadisə Los-Anceles şəhərində qeydə alınıb.

Məlumata görə, Cənubi Kaliforniya Universitetinə məxsus avtobus içərisində təxminən 150 nəfərin olduğu metro qatarı ilə toqquşub. Nəticədə 55 nəfər xəsarət alıb.

Bildirilir ki, zərərçəkənlərdən 16-sı tibb müəssisələrinə çatdırılıb. Yaralılardan ikisinin vəziyyəti ağır, qalanlarının vəziyyəti isə qənaətbəxşdir.

Polis hadisənin təfərrüatlarını araşdırır.

Namiq Musayev