Bakı-Quba yolunda avtomobil betona çırpıldı, tıxac yarandı - FOTO - VİDEO

Bakı-Quba yolunda qəza baş verib.

Yol-nəqliyyat hadisəsi yolun Siyəzən rayonu ərazisindən keçən hissəsində qeydə alınıb.

Avtosfer.az xəbər verir ki, 99 BM 466 dövlət qeydiyyat nişanlı, “Opel” markalı avtomobil idarəetmədən çıxaraq beton maneələrə çırpılıb. Qəza zamanı xəsarət alan olmasa da, nəqliyyat vasitəsi deformasiya uğrayıb, ciddi ziyan dəyib. Qısa müddətdə Bakı-Quba Rusiya Federasiyası dövlət sərhədi avtomobil yolunda tıxac yaranıb. Nəqliyyat vasitəsi hadisə yerindən kənarlaşdırılaraq avtomobillərin hərəkəti bərpa olunub.

Faktla bağlı araşdırma aparılır.