Bakı-Sumqayıt yolunda səkkiz avtomobil toqquşdu - VİDEO

Bakı-Sumqayıt yolunda zəncirvari qəza olub.

Avtosfer.az ın məlumatına görə, hadisə yaxın saatlarda Sumqayıt şəhərindən paytaxt istiqamətinə gedən yolda qeydə alınıb.

Belə ki, yolun Beynəlxalq Avtovağzalın qarşısından keçən hissəsində səkkiz avtomobilin iştirakı ilə yol nəqliyyat hadisəsi baş verib. 

İlkin məlumata görə, qəzaya səbəb yüksək sürət həddi və ara məsafənin qorunmaması olub. Qəza nəticəsində xəsarət alan olmayıb, avtomobillərə maddi ziyan dəyib.(Oxu.az)