Bakıda 4 avtomobil toqquşdu, xəsarət alanlar var - FOTO

Bakının Nəsimi rayonunda yol qəzası zamanı 2 nəfər xəsarət alıb.

Hadisə Xan Şuşinski və Vaqif küçələrənin kəsişməsində qeydə alınıb.

“Nissan” markalı avtomobilin sürücüsü 4 yol ayrıcından keçərkən Vaqif küçəsində hərəkətdə olan “Hyundai” və “Lada” markalı maşınlara çırpılıb. “Nissan”ın sürücüsü sükana nəzarəti itirib. Maşın əvvəlcə yol kənarında dayanan “Fiat” markalı avtomobilə, daha sonra ağaca çırpılaraq dayanıb. Qəza zamanı “Hyundai” və “Lada” markalı maşınların sürücüləri Ruslan Ağayev və Cavid Məmmədov müxtəlif bədən xəsarətləri alaraq Kliniki Tibbi Mərkəzə yerləşdirilib. Hadisə yerinə Nəsimi Rayon Polis İdarəsinin əməkdaşları cəlb edilib.

Qeyd edək ki, ötən ay bu ünvanda, yəni Xan Şuşinski və Vaqif küçələrinin kəsişməsində qəza zamanı 3 nəfər ağır xəsarət almışdı.(apa)