Bakıda “Range Rover”in sürücüsü piyadanı vurub öldürdü

Bakıda piyadanın ölümü ilə nəticələnən yol-nəqliyyat hadisəsi baş verib. Avtosfer.az-ın "Teleqraf"a istinadən məlumatına görə, hadisə gecə 00:32 radələrində Mərdəkan şosesində qeydə alınıb.

Belə ki, 90-TK-444 dövlət qeydiyyat nişanlı “Range Rover”i idarə edən sürücü 1978-ci il təvəllüdlü Hüseynov Ramini vurub. Piyada aldığı xəsarətlərdən hadisə yerində ölüb.

Faktla bağlı araşdırma aparılır.