Bakıda təcili yardım avtomobili QƏZAYA UĞRADI - VİDEO - YENİLƏNİB

Təcili tibbi yardım avtomobilinin qəzaya uğramasının təfərrüatları məlum olub.

Bu barədə Tibbi Ərazi Bölmələrini İdarəetmə Birliyindən (TƏBİB) bildirilib.

Məlumata əsasən, 02.03.2025-ci il tarixində saat 12:05-də Nizami rayonu, Rüstəm Rüstəmov küçəsində baş verən yol-nəqliyyat hadisəsi nəticəsində Sabunçu Təcili və Təxirəsalınmaz Tibbi Yardım Stansiyasının 3-cü bölməsinin ambulansı minik avtomobili ilə toqquşub. 

"Minik avtomobilində olan 2 nəfər yüngül xəsarət alıb və hospitalizasiyadan imtina ediblər. Yüngül xəsarət alan ambulansın sürücüsünə yerində yardım olunub. 

Həkim və tibb bacısı qapalı kəllə-beyin travması şübhəsi ilə Sabunçu Tibb Mərkəzinə hospitaluzasiya olunublar, ilkin müayinələrdən sonra vəziyyətləri qənaətbəxş olduğu üçün ambulator müalicəyə buraxılıblar.

Qəza zamanı təxliyə olunan, qəzadan öncə də vəziyyəti kritik ağır qiymətləndirilən 65 yaşlı xəstə (kişi cinsli) Sabunçu Tibb Mərkəzinə hospitalizasiya olunub. Müxtəlif yanaşı xəstəlikləri olan şəxs tibb mərkəzinin Reanimasiya şöbəsinə yerləşdirilib. Hazırda vəziyyəti ağır qiymətləndirilir", - məlumatda deyilir.

***14:33
Bakı şəhərində, "Neftçilər" metro stansiyasının yaxınlığında təcili tibbi yardım avtomobili qəzaya uğrayıb.

Avtosfer.az oxu.az-a istinadən xəbər verir ki, qəza nəticəsində avtomobil aşıb.

Hadisə şahidləri avtomobildə xəstənin olduğunu deyiblər.

Tibbi Ərazi Bölmələrini İdarəetmə Birliyindən (TƏBİB) bildirilib ki, hazırda məsələ ilə bağlı araşdırma aparılır.