Banner

Qırmızıda yolu qaçaraq keçən yaşlı kişi təhlükəli anlar yaşatdı - VİDEO

Hadisə 18 Noyabr 2026 11:15
Qırmızıda yolu qaçaraq keçən yaşlı kişi təhlükəli anlar yaşatdı   - VİDEO
WhatsApp kanalımıza abunə olun

Paytaxtın Buzovna qəsəbəsində qayda pozan piyada avtomobilin kamerasına düşüb.

Avtosfer.az-ın məlumatına görə, hadisə noyabrın 17-də saat 18:19 radələrində Mehdi Hüseynzadə küçəsində qeydə alınıb.

Kadrlardan görünür ki, yaşlı kişi işıqforun qadağanedici işığına məhəl qoymadan qaçaraq yolu keçməyə çalışıb. Bu zaman yaxınlaşan avtomobilin sürücüsü qəfil təhlükə ilə üzləşib. Piyada son anda dayanaraq avtomobillə toqquşmaqdan qurtulub.

Təəssüf ki, bəzi piyadalar nizamlanan piyada keçidlərində yolun onlar üçün nəzərdə tutulduğunu əsas gətirərək işıqforun siqnallarına məhəl qoymurlar. Halbuki piyada keçidinin mövcudluğu qadağanedici işıqda yolu keçmək hüququ vermir. Yol hərəkəti qaydalarına əsasən, piyadalar yalnız onlar üçün icazə verilən işıq siqnalı yandıqda hərəkətə başlamalıdırlar. Bir anlıq səbirsizlik həm özlərinin, həm də yolda olan digər hərəkət iştirakçılarının həyatını təhlükəyə ata bilər.

Nərmin

bax.tvhttps://bax.tv/embed/228959.html

 

 

Oxunub : 202
ŞƏRH YAZ
Ad

E-mail

Şərh