Bakını gecə ilə bir-birinə qatan sürücüyə CƏZA VERİLDİ - VİDEO

Ötən il 29 sentyabr tarixində gecə saatlarında Səbail rayonunda polisə tabe olmayaraq yük maşınını sərxoş vəziyyətdə idarə edən və 7 avtomobili əzən şəxsin məhkəməsi başa çatıb.
1983-cü il təvəllüdlü Yaşar Muradov Cinayət Məcəlləsinin 221.2.2-ci (Xuliqanlıq) və 234.1 (Narkotik vasitələrin qanunsuz dövriyyəsi) maddələri ilə ittiham edilib.
Səbail Rayon Məhkəməsində keçirilən prosesdə bildirilib ki, Y.Muradovu yol polisi əvvəlcə Salyan şossesində saxlayıb. Lakin orada mübahisə baş verdiyindən Çevik Polis Alayının əməkdaşları çağırılıb. Bundan sonra Muradov idarə etdiyi “Mercedes Actros” markalı yük avtomobilinə əyləşərək oradan uzaqlaşıb. Polislər onu təqib edərkən Y.Muradov yük avtomobilini Bayıl qəsəbəsinin dar küçələrinə salıb. Nəticədə iriqabaritli yük avtomobili Litvin Babayev küçəsində 7 avtomobili əzib.
Belə ki, vətəndaşlara məxsus “Hyundai Sonata”, “Changan CS 85”, “Hyundai Elantra”, “Mercedes-Benz”, “Mercedes-Benz E Klass”, “Nissan Micra” markalı, eləcə də Muradovun sürücü işlədiyi şirkətin yük maşınına xeyli ziyan dəyib.
Hadisə vaxtı polislər Y.Muradovu atəş açmaq hesabına saxlaya biliblər. Həmçinin Bayıl qəsəbə sakinləri maşınları əzən yük maşınının sürücüsünə hücum ediblər.
Səbail Rayon Məhkəməsi sürücüyə qarşı narkotik ittihamını qəbul etməyib və ona Cinayət Məcəlləsinin 234.1-ci maddəsi üzrə bəraət verilib.
Y.Muradova Məcəllənin 221.2.2-ci maddəsinə əsasən, 1 il 4 ay müddətinə həbs cəzası verilib.(qafqazinfo)
Bir gündə 3 avtomobil sıradan çıxdı: Sakinlər AAYDA-dan narazıdır - VİDEO
Aeroport yolunda AĞIR QƏZA - VİDEO
Bakıda ağır qəza: ÖLƏN var
Binəqədidə AĞIR QƏZA: İki avtomobil toqquşdu - VİDEO
Hövsanda daha bir qəza: İki avtomobil toqquşdu - VİDEO
Milli Qəhrəmanın oğlu qəzaya düşdü - TƏBİB-dən AÇIQLAMA
Saray körpüsündə 3 maşın bir-birinə çırpıldı – Xəsarət alan var - VİDEO
Bakıda “Tesla” işıq dirəyinə çırpılıb əks yola çıxdı - VİDEO
Qaxda ağır qəza: Dörd yeniyetmə xəsarət aldı - YENİLƏNİB
Hövsanda qəza: Maşının buferi qopub mağazanın şüşəsini sındırdı - VİDEO
Yük maşını 12 yaşlı velosipedçini vurub ÖLDÜRDÜ











