Bakının mərkəzində qəza: “Mitsubishi” ilə “Hyundai” toqquşdu - VİDEO

Paytaxtın mərkəzi küçələrindən birində yol-nəqliyyat hadisəsi baş verib.
Avtosfer.az-ın məlumatına görə, qəza bir neçə gün əvvəl günorta saatlarında qeydə alınıb. Videodan göründüyü kimi, 90-VE-108 dövlət nömrə nişanlı “Hyundai” markalı avtomobil, “Mitsubishi Pajero” markalı maşınla toqquşub. İddialara görə, qəzaya səbəb sürücünün ara məsafəsinə məhəl qoymaması olub. Nəticədə o, ön tərəfdəki avtomobili vurub və hər iki nəqliyyat vasitəsinə maddi ziyan dəyib. 
Qeyd edək ki, sosial şəbəkələrdə geniş yayılmış qəzada “Mitsubishi” markalı avtomobilin cüzi zərər görməsi istifadəçilərin marağına səbəb olub.

Nərmin