Biləcəridə qəza: Halı pisləşən sürücü qəza törətdi, yol iflic oldu - VİDEO

Paytaxtın Binəqədi rayonu, Biləcəri qəsəbəsində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 28-də səhər saatlarında Yəhya Hüseynov küçəsində qeydə alınıb. Belə ki, hərəkətdə olan 90-LO-919 dövlət nömrə nişanlı “Ford Transit” markalı yük maşını, “Toyota” markalı avtomobillə toqquşub. Qəzaya səbəb sükan arxasında “Toyota” sürücüsünün halının qəfil pisləşməsi olub. Hadisə nəticəsində xəsarət alan olmasa da, nəqliyyat vasitələrinə maddi ziyan dəyib. 

Qeyd edək ki, qəzadan sonra yolda uzunmüddətli tıxac yaranıb. Qəzalı yük maşını evakuator vasitəsilə ərazidən kənarlaşdırılıb. 

Nərmin