Daşkəsəndə dəmir örtük qoparaq yük maşınlarının üstünə düşdü - VİDEO

Daşkəsən rayonu Quşçu kəndində yol-nəqliyyat hadisəsi baş verib. 
Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Videodan göründüyü kimi, 99-DK-855 dövlət nömrə nişanlı “Mercedes” markalı yük maşını “Kamaz”la toqquşub. Hadisə şahidlərinin iddiasına əsasən, qəza yük maşınlarının eyni anda yoldan keçməsi nəticəsində yaranıb. Belə ki, iri həcmli nəqliyyat vasitələri dəmir örtüyün altından keçərkən ona ilişib. Bu zaman örtük qoparaq yük maşınlarının üzərinə düşüb. Nəticədə hər iki nəqliyyat vasitəsinə maddi ziyan dəyib. Sürücülər arasında xəsarət alan olmayıb.
Qeyd edək ki, hadisəylə bağlı yolda bir neçə saatlıq tıxac yaranıb.

Nərmin