Əyləci işləməyən “Mercedes” yük maşınıyla toqquşdu, sürücünün ayağı sındı - VİDEO

Kürdəmir rayonu Mollakənd kəndində yol-nəqliyyat hadisəsi baş verib.
Avtosfer.az-ın məlumatına görə, qəza dünən (16 noyabr) günorta saatlarında qeydə alınıb. Görüntüdən məlum olduğu kimi, 90-EM-066 dövlət nömrə nişanlı “Mercedes” markalı avtomobil, 99-UU-391 dövlət nömrə nişanlı “DAF” markalı yük maşınıyla toqquşub. Hadisə şahidlərinin iddiasına əsasən, qəza “Mercedes”in əyləc sistemində yaranmış problemdən qaynaqlanıb. Nəticədə yük maşınına çırpılan avtomobil yoldan çıxaraq dərəyə düşüb. Nəqliyyat vasitələrinə maddi ziyan dəyib. Həmçinin “Mercedes”in sürücüsü ayaqlarından ağır xəsarət alıb.
Faktla bağlı araşdırma aparılır. 

Nərmin