Gəncədə motosiklet aşdı, sürücü xəsarət aldı

Gəncədə yol-nəqliyyat hadisəsi baş verib.

Hadisə şəhərin Atatürk prospektində qeydə alınıb.

1981-ci il təvəllüdlü Ramil Əsgərov idarə etdiyi motosikletlə hərəkətdə olan zaman idarəetməni itirib. Nəticədə motosiklet yoldan çıxaraq aşıb. Qəza zamanı sürücü xəsarət alaraq xəstəxanaya yerləşdirilib. Onun vəziyyətinin ağır olduğu bildirilir.

Faktla bağlı araşdırma aparılır. (apa)