Gürcüstanda ağır yol qəzası: 2 ölü, 7 yaralı

Gürcüstanda ağır yol qəzası baş verib. Avtosfer.az yerli KİV-ə istinadən xəbər verir ki, hadisə mayın 5-də Kutaisi-Tsxaltubo avtomobil magistralında qeydə alınıb.

Məlumata görə, minik avtomobili digər iki nəqliyyat vasitəsi ilə toqquşub. Zərbənin təsirindən minik avtomobili yanıb. Nəticədə 2 nəfər ölüb, 7 nəfər isə xəsarət alıb.

Hadisə yerinə polis, xilasetmə və təcili yardım briqadaları cəlb edilib.

Bildirilir ki, xəstəxanaya yerləşdirilən şəxslərdən ikisinin vəziyyəti ağırdır.

Faktla bağlı araşdırmalara başlanılıb.

Namiq Musayev