Güzdəkdə “KamAZ”ın bir tərəfi çuxura düşdü, digər hissəsi göydə qaldı - VİDEO

Abşeron rayonunun Güzdək qəsəbəsində yük maşını qəzaya düşüb. 
Avtosfer.az xəbər verir ki, hadisə dünən (5 noyabr) səhər saatlarında qeydə alınıb. Görüntüdən aydın olduğu kimi, 01-BR-353 dövlət nömrə nişanlı, “KamAZ” markalı nəqliyyat vasitəsi torpaq sürüşməsi nəticəsində qəzaya uğrayıb. Sürücünün iddiasına görə, hərəkətdə olan zaman qəflətən yol yararsız hala düşüb. Belə ki, idarəetmədən çıxan “KamAZ”ın bir hissəsi sürüşmə səbəbiylə yaranmış çökəkliyə düşüb. Xoşbəxtlikdən tikiliyə dəyən yük maşını aşmaqdan son anda qurtulub. Həmçinin “KamAZ”ın yük hissəsindəki daşlar yola dağılmayıb. 

Nərmin