Helikopter hərəkətdə olan avtomobilə çırpıldı

İspaniyada havaya qalxan helikopter güclü fırtına səbəbindən magistral yolda avtomobilə çırpılıb.

Avtosfer.az xəbər verir ki,qəza nəticəsində helikopterdə olan iki nəfər və nəqliyyat vasitəsinin sürücüsü xəsarət alıb.

İspaniyanın paytaxtı Madriddə güclü külək səbəbindən helikopter magistral yolda avtomobilə çırpılıb. Alınan xəsarətlərin həyati təhlükəsinin olmadığı bildirilib.Fövqəladə hallar xidmətinin sözçüsü bildirib ki, helikopterdə iki nəfər olub, onlardan biri vertolyotun qalıqları altından çıxa bilib, digəri isə yanğınsöndürənlər tərəfindən dağıntılar altından xilas edilib. Sağ qalanlardan birinin yüngül kəllə-beyin travması aldığını, digərinin bud sümüyü sınıb, üçüncünün isə yüngül xəsarət aldığını bildirib. Helikopter avtomobillərin sıx olduğu magistralda qəzaya uğrasa da, hadisə zamanı insan itkisi olmayıb.

big.az