İsmayıllıda "Mersedes" aşdı: 1 ölü, 3 yaralı

Muğanlı-İsmayıllı yolunda 1 nəfərin ölümü, 3 nəfərin xəsarət alması ilə nəticələnən ağır avtomobil qəzası baş verib. Avtosfer.az-ın APA-ya istinadən xəbərinə görə, hadisə saat 17:00 radələrində Girdiman çayı yaxınlığında qeydə alınıb. Qəbələ rayon sakininə məxsus 99-DH-036 dövlət nömrə nişanlı "Mersedes" markalı minik avtomobili yoldan çıxaraq aşıb. Hadisə zamanı Qəbələ rayon sakinləri: 1950-ci il təvəllüdlü Cəbrayılov Habil Məmməd oğlu, 1989-cu il təvəllüdlü Talıbov Elmar Atabala oğlu və 1985-ci il təvəllüdlü Muradov Tural Ağamurad oğlu müxtəlif dərəcəli bədən xəsarətləri ilə İsmayıllı Mərkəzi Rayon Xəstəxanasına yerləşdirilib. Qəbələ sakini 1974-cü il təvəllüdlü Niftəliyev Qəhrəman Dəyanət oğlu aldığı ağır bədən xəsarətləri səbəbindən hadisə yerində dünyasını dəyişib.  

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.