İsmayıllıda yol qəzalarında iki piyada xəsarət alıb

İsmayıllı şəhərində piyadaların xəsarət alıması ilə nəticələnən yol-nəqliyyat hadisələri baş verib.

“Report” xəbər verir ki, “Lada Priora” markalı avtomobil yolu keçən piyadanı - 2008-ci il təvəllüdlü İslamov Nurlan Nəsimi oğlunu vurub.

Bundan əlavə, bu gün axşam saatlarında şəhər ərazisində yüksək sürətlə hərəkət edən naməlum avtomobil 1987-ci il təvəllüdlü Səmədova Mətanət Şakir qızını vurub. Sürücü hadisə yerindən qaçıb.

Hər iki yaralı İsmayıllı rayon Mərkəzi Xəstəxanasına aparılıb.

Faktlarla bağlı araşdırma aparılır.