Kürdəmirdə ağır qəza baş verdi: Ölənlər və yaralananlar var - VİDEO-FOTO

Bakı-Ələt-Qazax-Gürcüstan dövlət sərhədi avtomobil yolunun Kürdəmir rayonunun Karar kəndi ərazisindən keçən hissəsində baş verən ağır qəzada ölən şəxslərdən birinin kimliyi məlum olub.

“Report”  xəbər verir ki, həmin şəxs Həmidə Quliyevadır.

Qəza zamanı Quliyev Fəxrəddin Məhəmmədhəsən oğlu, Quliyev Elgün Rəhbər oğlu, Məmmədova Zeynəb Mübariz qızı, Quliyeva Zəhra Vüqar qızı, Quliyev Məhəmməd Vüqar oğlu, Quliyeva Qələmnaz Vüqar qızı, Əliyev İlqar Gəray oğlu, Mehdiyev Eldəniz Zahid oğlu xəsarət alıblar.

Faktla bağlı Cinayət Məcəlləsinin 263.3-cü (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb, istintaq aparılır.

***

Kürdəmirdə ağır yol qəzası baş verib. 
Avtosfer.az xəbər verir ki, hadisə Bakı-Qazax yolunun rayonun Karar kəndi ərazisindən keçən hissəsində qeydə alınıb. 

Belə ki, "Mercedes Sprinter" markalı sərnişin daşıyan mikroavtobus qarşısında hərəkət edən mişar daşı ilə dolu "KamAZ" markalı yük maşınına çırpılıb. 

Nəticədə, 2 nəfər dünyasını dəyişib, 8 nəfər müxtəlif dərəcəli bədən xəsarəti alıb. 

Yaralılar təcili tibbi yardım maşınlarının köməyi ilə Kürdəmir rayon Mərkəzi Xəstəxanasına çatdırılıb. Hazırda faktla bağlı araşdırma aparılır.

Bizim.Media