Məktəblilərin olduğu mikroavtobus aşdı: 15 nəfər xəsarət alıb - FOTO

Türkiyənin Kahramanmaraş əyalətində baş verən yol qəzasında 15 nəfər xəsarət alıb.

Avtosfer.az yerli KİV-ə istinadən xəbər verir ki, hadisə Pazarcık rayonunda baş verib.

Məlumata görə, sürücünün idarəetməsindən çıxan servis mikroavtobusu yoldan çıxaraq aşıb.

Qəza nəticəsində 14-ü məktəbli olmaqla 15 nəfər xəsarət alıb.

Yaralılar hadisə yerinə cəlb edilən ambulanslarla yaxınlıqdakı xəstəxanalara çatdırılıb.

Hadisə ilə bağlı araşdırmalara başlanılıb.

Namiq Musayev