“Prius” sürücüsü səbrsizliyi ilə qəzanın yanından ötdü - VİDEO

Səbrsiz “Prius” sürücüsü yol zolağına məhəl qoymaq istəmədi, qarşısındakı avtomobili keçərkən qəzanın eşiyindən döndü.
Avtosfer.az xəbər verir ki, sosial şəbəkələrdə geniş yayılan olay Babək prospektində baş verib. Avtomobilin videoregistratorunda əks olan kadrlardan də bariz göründüyü kimi tıxacsız yolda yüksək sürətlə irəliləyən maşın qarşısındakı avtomobillərin varlığını heçə sayaraq önə keçmək istəyib. Arxadan gələrək önündəki nəqliyyat vasitələrinin arasına girən “Toyota Prius” markalı, 77-BO-457 dövlət nömrə nişanlı maşın sağ zolaqda hərəkət edən avtomobilin yanından bir neçə santimetrlik məsafə ilə keçib. Xoşbəxtlikdən bu dəfəlik yan ötməyi bacarsa da, videoya diqqətlə baxdığımızda avtomobillərin yan şüşələrinin cüzi şəkildə bir-birinə toxunduğunu görə bilərik. Eyni anda bir neçə qayda pozuntusu törədən sürücüyə bildirək ki, gələn dəfə bu “davranışa” əl atdığı zaman cərimələrdən əvvəl, həyatını ölümlə üz-üzə qoyduğunu unutmasın. 

Nərmin Əkbər