Belə maşınları yol kənarında görəndə diqqətli olun - Qapısı qəflətən açıla bilər - VİDEO

Bakıda baş verən qəza videosu nəzarət kamerasına düşüb. Avtosfer.az xəbər verir ki, yolun solunda dayanan “Ford Transit” markalı avtomobilin sürücüsü yük yerinin qapılarını açaraq yük boşaltmağa çalışıb. Hava küləkli olduğu üçün qapı tam açılıb və oradan keçən yük avtomobili onu vuraraq əzib. Nəticədə avtomobilin banı zədələnib.

Qeyd edək ki, yollarda yük avtomobillərinin, xüsusən də mağazalara məhsul  daşıyan firma avtomobillərinin sürücüləri qapıları heç yerə bərkitmədən açıq qoyub yük boşaldırlar. Külək əsən kimi isə qapı öz-özünə hərəkət edərək sürücülərə və piyadalara təhlükə yaradır. “Yol hərəkəti haqqında” qanunun 52-ci maddəsində qeyd olunub ki, nəqliyyat vasitəsi qapılarının açılması yol hərəkətinin digər iştirakçıları üçün maneə yaradarsa, onları açmaq qadağandır. Qanunvericiliyin bu müddəasına görə videodakı qəzada günah qapını vuran sürücüdə yox, qapını açaraq təhlükə yaradan sürücüdədir.

Leyla