Qaz balonu partladı - avtobus yandı - VİDEO

Mətbəxdə alovlanan qaz balonu, bir neçə metr aralıdakı avtobusu tanınmaz hala saldı. Avtosfer.az atv.az-a istinadən xəbər verir ki, bu barədə izləyənləri dəhşətə gətirən bu görüntülər Çində lentə alınıb. Kafelərdən birində yanmağa başlayan qaz balonu ciddi fəsadlara yol açıb.

Restoranın aşpazı müştərilər üçün yemək hazırlayan vaxt gözləmədiyi vəziyyətlə üzləşib. Onun yandırmağa çalışdığı qaz balonu bir anda alovlanıb.  Qaz sızmanın səbəb olduğu ani partlayış kifayət qədər güclü olub və  yana aşan balon küçəyə doğru yuvarlanmağa başlayıb.

Silindir formalı balon diyirlənərək yol kənarında dayanmış avtobusun altına düşüb. Kafe işçisi  yanmaqda olan qaz balonunu avtobusun altından çıxarsa da,  iş işdən keçib. Alov  avtobusa sıçradığından, nəqliyat vasitəsi də bir göz qırpımında yanmağa başlayıb.

Qaz balonunu söndürülsə də,  avtobusu yanğından mühafizə etmək mümkün olmayıb. Qısa müddətdə alovlara qərq olan nəqliyyat vasitəsi tam yararsız hala düşüb. Qəzanın yeganə təsəlliverici məqamı ondan ibarətdir ki, olayda ölən və ya yaralanan olmayıb.