Qazaxıstanda ağır yol qəzasında 8 nəfər ölüb - FOTO

Qazaxıstanda iki avtomobilin toqquşması nəticəsində aralarında ikisi uşaq olmaqla, səkkiz nəfər ölüb.

Avtosfer.az  bu barədə Report.az-a istinadən xəbər verir.

Qəza gecə saatlarında Uralda dolanbac yolda baş verib. "Nissan" markalı avtomobil beş böyük və iki uşağın olduğu "Lada" ilə toqquşub.

Ural Polis İdarəsinin rəis müavini Konstantin Nedopyokin bildirib ki, “Nissan” avtomobil ötmə zamanı qarşıdan gələn zolağa çıxıb və “Lada” ilə toqquşub. Xəsarət alan 5 nəfər hadisə yerində ölüb, “Nissan”ın sürücüsü və 10 və 13 yaşlı iki uşaq xəstəxanaya yerləşdirilsə də, onların həyatını xilas etmək mümkün olmayıb.

Polis əməkdaşları hadisə yerində qəzanın səbəblərini və başvermə şəraitini müəyyənləşdirir.