Şəkidə avtomobillər toqquşub - FOTO

Şəkidə iki avtomobil toqquşub. Avtomobillərdən biri yoldan çıxıb aşsa da xoşbəxtlikdən yaralanan olmayıb.
Avtosfer.az "Bizim.Media"ya istinadən xəbər verir ki, hadisə Qaraməryəm-İsmayıllı-Şəki magistralının Şəki şəhəri ərazisindən keçən hissəsində baş verib.
Belə ki, 65 yaşlı Özbəkin Səfiyevin idarə etdiyi "Toyota Prado" markalı avtomobil 53 yaşlı İbrahim Həmidovun idarə etdiyi VAZ-21099 markalı avtomobillə toqquşub.
Hadisə nəticəsində VAZ-21099 yoldan çıxaraq aşıb. Xoşbəxtlikdən xəsarət alan olmasa da, avtomobillərə ciddi ziyan dəyib.
Faktla bağlı araşdırma aparılır.