Şəmkirdə iki avtomobil toqquşub, üç nəfər xəsarət alıb

Şəmkir şəhərində biri uşaq olmaqla üç nəfərin xəsarət alması ilə nəticələnən yol-nəqliyyat hadisəsi olub.

Avtosfer.az-ın məlumatına görə, hadisə Şəmkir şəhər ərazisində fəaliyyət göstərən şadlıq saraylarının birinin önündə baş verib.

Belə ki, iki avtomobilin toqquşması nəticəsində Gədəbəy rayon sakinləri - 1984-cü il təvəllüdlü Sabuhi Abbasov, onun övladı 2012-ci il təvəllüdlü Z Abbasova və 1977-ci il təvəllüdlü Zeynəb Abbasova xəsarət alıb.

Onların vəziyyəti kafi qiymətləndirilir.

Faktla bağlı araşdırma aparılır.

Report