Türkanda ağır qəza: “VAZ” yük maşınına çırpıldı, sürücünün ayaqları sındı - ANBAAN VİDEO

Paytaxtın Xəzər rayonu, Türkan qəsəbəsində baş vermiş yol qəzası anbaan müşahidə kamerasına düşüb.

Avtosfer.az-ın məlumatına görə, hadisə mayın 12-də saat 14:27 radələrində qeydə alınıb. Hərəkətdə olan “VAZ-2107” markalı avtomobil, “Ford” markalı yük maşınıyla toqquşub. Kadrdan da aydın göründüyü kimi, “VAZ”ın sürücüsü yük maşınını ötmək üçün əks istiqamətli yola çıxaraq hərəkət edib. Bu vaxt o, sola manevr edən “Ford”a çırpılıb. Eyni zamanda “VAZ” sürücüsünün nəqliyyat vasitəsini yüksək sürətlə idarə etdiyi videoda əks olunub.

Hadisə zamanı hər iki nəqliyyat vasitəsinə maddi ziyan dəyib, “VAZ”ın sürücüsü ayağından xəsarət alıb.

Nərmin