Qlobal kiberhücumun miqyası böyüyür: 178-dən çox şirkət zərər gördü

178-dən çox böyük beynəlxalq şirkətin internet saytı "Optimizely" adlı veb-sayt optimallaşdırma xidmətində aşkarlanan təhlükəsizlik boşluğu vasitəsilə zərərli kodun yayılmasına məruz qalıb.
Avtosfer.az TASS-a istinadən xəbər verir ki, bu barədə "Report URI" şirkətinin təsisçisi və veb-təhlükəsizlik üzrə mütəxəssis Skott Helme təşkilatın saytında məlumat verib.
Onun sözlərinə görə, hücumdan ABŞ-nin məşhur "Fox News" və CNN telekanalları, HSBC bankı, "Equifax" kredit bürosu, İsveçin "IKEA" mebel şirkəti, Fransanın "Air France-KLM" aviaşirkəti və "Zoom" videozəng platforması da təsirlənib. Striminq və onlayn qumar platformaları, eləcə də kriptovalyuta ticarəti ilə məşğul olan resurslar da hücuma məruz qalanlar arasındadır.
Skott Helme qeyd edib ki, hakerlər təsirə məruz qalan şirkətlərin müntəzəm istifadə etdiyi "Optimizely" xidmətində təhlükəsizlik boşluğu aşkarlayıblar. Həmin boşluqdan istifadə edən hücumçular ödəniş kartlarının məlumatlarını ələ keçirib, istifadəçilərin ekran görüntülərini əldə edib və kriptovalyuta cüzdanlarının ünvanlarını öz ünvanları ilə əvəzləyiblər.
Dəymiş zərərin ümumi miqyasını hazırda qiymətləndirmək mümkün deyil.
Ekspert hücumdan təsirlənən şirkətləri internet saytlarının təhlükəsizliyini yeniləməyə çağırıb. O, həmçinin aşkarlanmış zərərli kodların, demək olar ki, hamısının artıq silindiyini bildirib.
Rusiya Ukrayna ilə müharibədə ABŞ-yə güvənməklə özünü tələyə salır – EKSPERT
“AzParking” mobil tətbiqində yenilik; funksionallıq artırıldı - AÇIQLAMA
Azərbaycan beynəlxalq poçt və elektron ticarət logistikasında hansı imkanlara malikdir? - EKSPERT
Azərbaycanda istehsal olunan kamikadze PUA ilk dəfə görüntüləndi - VİDEO
Süni intellektə görə 2 ölkə arasında münaqişə ola bilərdi
Telefonun ekranındakı yaşıl və narıncı nöqtələr nəyi bildirir?
iPhone 18 təqdim olundu – QİYMƏTLƏR
Azərbaycanda yaşıl enerji potensialı; hansı layihələrə başlanılıb? - AÇIQLAMA
“WhatsApp” istifadəçilərinin gözlədiyi funksiya gəldi
"WhatsApp"dan istifadəçilərə yeni sürpriz
Qəbul imtahanına görə “Telegram” bloklandı












