Türkiyədə mikroavtobus qəzası: 19 yaralı

Türkiyədə mikroavtobus qəzaya uğrayıb.

Avtosfer.az xəbər verir ki, Bayram tətili üçün getdikləri Qara dəniz səyahətindən qayıdan insanların olduğu mikroavtobus Tunceli-Ərzincan yolunda qəzaya düşüb.

Sürücünün sükan idarəetməsini itirməsi nəticəsində mikroavtobus dərəyə aşıb. 

Qəza nəticəsində 3-ü ağır olmaqla 19 nəfər yaralanıb.

Hadisə yerinə çoxlu sayda polis və həkim qrupları cəlb olunub.

Yaralılar Tunceli Dövlət Xəstəxanasına çatdırılıb.

Ölkə.Az