Yasamalda 21 yaşlı gənci avtomobil vurub

Bakının Yasamal rayonunda 21 yaşlı gənc yol-nəqliyyat hadisəsi zamanı xəsarət alıb.

“Report” xəbər verir ki, 2003-cü il təvəllüdlü Alıyev İqbal Baba oğlu yolu keçərkən avtomobil onu vurub.

Yaralı təcili tibbi yardımın köməkliyilə xəstəxanaya çatdırılıb. Müayinə zamanı ona sol gicgah sümüyünün sınığı diaqnozu qoyulub.

Faktla bağlı araşdırma aparılır.