Yevlaxda avtomobilin vurduğu piyada xəstəxanada ölüb

Yevlaxda avtomobilin vurduğu piyada xəstəxanada dünyasını dəyişib.

Avtosfer.az-ın "Report"a istinadən məlumatına görə, fevralın 7-də Yevlax rayonunda 2005-ci il təvəllüdlü Əlamdar Sultanovu "Mercedes" markalı avtomobil vurub.

O, ağır xəsarətlərlə Mingəçevir Mərkəzi Şəhər Xəstəxanasının reanimasiya şöbəsinə yerləşdirilib.

Lakin göstərilən tibbi yardımlara baxmayaraq, o, fevralın 13-də orada dünyasını dəyişib.

Faktla bağlı araşdırma aparılır.