Yük maşını avtomobilin üzərinə aşdı: 4 ölü, 3 yaralı - FOTO + VİDEO

Türkiyədə yük maşınının və minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə martın 30-da İstanbul-Samsun avtomagistralının Çerkeş rayonunun keçən hissəsində qeydə alınıb.

Məlumata görə, avtomobilində nasazlıq yaranan sürücü yol kənarına park edərək kömək istəiyib və köməyə polis əməkdaşları gəlib. Bu zaman eyni istiqamətdə hərəkətdə olan xarici ölkəyə məxsus olan yük maşını sürücünün idarəetməsində çıxaraq avtomobilin üzərinə aşıb. Qəza nəticəsində 4 nəfər ölüb, 2-si polis olmaqla 3 nəfər isə xəsarət alıb.

Hadisə yerinə polis, xilasetmə və təcili tibbi yardım briqadasının əməkdaşları cəlb olunub.

Qəza ilə bağlı araşdırmalara başlanılıb.

Namiq Musayev