Yük qatarı avtomobillə toqquşdu: 20 vaqon relsdən çıxdı - FOTO

Rusiyanın Amur bölgəsində yük qatarının avtomobillə toqquşmasından sonra 20 vaqonu relsdən çıxıb. Avtosfer.az yerli KİV-ə istinadən xəbər verir ki, hadisə martın 18-də səhər saatlarında Zabaykal dəmir yolunun 7234-cü kilometrliyində qeydə alınıb.

Məlumata görə, qəzaya minik avtomobilinin qatar yoluna çıxması səbəb olub. 

Qəza nəticəsində minik maşınının sürücüsü yaralanıb və xəstəxanaya yerləşdirilib.

Bildirilir ki, qatarların hərəkəti müvəqqəti olaraq dayandırılıb, ərazidə bərpa işləri aparılır, dəymiş ziyanın həcmi müəyyənləşdirilir.

İnsidentlə bağlı araşdırmalara başlanılıb.

Namiq Musayev