Yüksək sürət avtomobili traktorun caynağına keçirtdi - VİDEO

Maşını idarə edərkən yola baxmadı, avtomobil traktorun qoşqusuna dəyərək yararsız hala düşdü. 
Avtosfer.az xəbər verir ki, anidən baş verən qəzanın görüntüləri sosial şəbəkələrdə rekord qırıb. Rayon yolunda qeydə alınan görüntülərdən aydın olduğu kimi başı yanındakı sərnişinlə söhbətə qarışan sürücü bir anda sükan arxasında olduğunu xatırlasa da gec olub. Belə ki, yüksək sürətlə avtomobilin sükanını buraxan sürücü qarşıda irəliləyən traktorun qoşqusuna dəyib. Nəticədə avtomobilin ön hissəsi tamamilə sıradan çıxıb və ön şüşəsi cilik-cilik olub. Xoşbəxtlikdən qəza zamanı insanlar arasında xəsarət alan olmasa da, avtomobil tanınmaz vəziyyətə düşüb. 
Faktla araşdırma zamanı sürücü yolun boş olduğunu və traktoru görərkən artıq gec olduğunu bildirərək bəhanələrə sığınsa da, bu törətdiyi qəzanın üzrlü səbəbdən baş verdiyini göstərmir. 
Qeyd edək ki, yüksək sürət və diqqətsizliklə qəzanın baş verməsinə səbəb olan sürücü lazımi şəkildə məsuliyyətə cəlb olunub. 

Nərmin Əkbər