Zəngilanda şirkət işçiləri qəzaya düşdü - Ölən və yaralananlar var - FOTO - YENİLƏNİB

Bu gün İbrahimov Emin Ramiz oğlu idarə etdiyi 90-PZ-976 dövlət qeydiyyat nişanlı "Mitsubishi" markalı minik avtomobili Ağbənd istiqamətində hərəkət edən zaman yolun kənarında dayanmış "MAZ" markalı yük avtomobilinə çırpılıb.

Hadisə Əhmədbəyli-Ağbənd avtomobil yolunun 92-ci km-də baş verib.

Nəticədə minik avtomobilinin sərnişini - Ağdaş rayon sakini 1972-ci il təvəllüdlü Sədiyev Şəmsəddin Vaqif oğlu hadisə yerində ölüb. Sərnişinlər - 1995-ci il təvəllüdlü Əsədov Təbriz Tamis oğlu, 1992-ci il təvəllüdlü Bayramov Natiq Aydın oğlu və 1995-ci il təvəllüdlü İsmayılov Vüsal Xəqani oğlu və sürücü - 1988-ci il təvəllüdlü İbrahimov Emin Ramiz oğlu müxtəlif dərəcəli bədən xəsarətləri alaraq xəstəxanaya yerləşdiriliblər. (apa)

***

Zəngilan ərazisində baş vermiş avtomobil qəzası nəticəsində xəsarət alanların adları məlum olub.

"Pikap" tipli avtomobilin yük maşınınla toqquşması nəticəsində 45-50 yaşlarında kişi hadisə yerində dünyasını dəyişib.

Avtoqəzada, 1995-ci il təvəllüdlü Vüsal İsmayılzadə, Natiq Bayramov, Emin İbrahimov və daha bir nəfər xəsarət alıb.

Zərərçəkmişlər xəstəxanaya yerləşdiriliblər.

Faktla bağlı araşdırma aparılır. (report)

***

Zəngilanda bir nəfərin ölümü 4 nəfərin xəsarət alması ilə nəticələnən ağır yol qəzası baş verib.

Hadisə Füzuli-Zəngilan avtomobil yolunun rayonun Ağalı kəndindən keçən hissəsində qeydə alınıb.

Hərəkətdə olan minik maşını ilə "Kamaz" toqquşub.Qəza zamanı 1 nəfər hadisə yerində ölüb, 4 nəfər isə ağır yaralanıb.

Xəsarət alanlar - sürücü Emin İbrahimov, Natiq Bayramov, Vüsal İsmayılzadə və Təbriz adlı şəxsdir. Şəmi adlı şəxs isə dünyasını dəyişib. 

Qeyd edək ki, minik maşını Zəngilanda yerləşən şirkətlərdən birinə məxsusdur.(unikal)