Azərbaycana Türkiyədən daha 13 ədəd minatəmizləyən maşın gətirilir

Azərbaycanın işğaldan azad edilmiş ərazilərində minaların təmizlənməsi üçün Türkiyədən yeni texnikalar gətiriləcək.

Avtosfer.az-ın xəbərinə görə, bu barədə İdarələrarası Mərkəzin Minalardan və partlamamış hərbi sursatlardan (PHS) təmizləmə üzrə İşçi Qrupun iclasında bildirilib.

Humanitar minatəmizləmə fəaliyyətinə dəstək məqsədilə mexaniki minatəmizləmə maşınlarının sayının artırılması istiqamətində qeyd edilib ki, ayın sonuna qədər 13 ədəd Türkiyənin istehsalı olan MEMATT maşınlarının təhvil alınması gözlənilir.

"Report"