Maşını bordürün üstündən keçirən sürücü SAXLANILDI - VİDEO - FOTO

Sıxlıq zamanı “Toyota” markalı avtomobilin yolun hərəkət hissələrini ayıran maneəni aşıb əks istiqamətli hərəkət zolağına çıxmasına dair sosial şəbəkələrdə yayımlanmış görüntülər Bakı Şəhər BPİ Dövlət Yol Polisi İdarəsi tərəfindən araşdırılıb.

Avtosfer.az xəbər verir ki, araşdırmalarla sözügedən nəqliyyat vasitəsinin sürücüsü müəyyən edilərək saxlanılıb, barəsində qanunvericiliyə uyğun olaraq inzibati məsuliyyət tədbiri görülməklə avtomobil mühafizə olunan duracağa yerləşdirilib.

Sürücüləri yol hərəkəti qaydalarına ciddi əməl etməyə və hərəkət iştirakçılarının təhlükəsizliyini riskə atmamağa çağırırıq.

Yollarda nəzarət tədbirləri davamlı xarakter daşıyır, qayda pozuntularına qarşı qətiyyətli tədbirlər görülür.