Bakıda ötən il 200-ə yaxın işıqfor quraşdırılıb - FOTO

Bakı Nəqliyyat Agentliyi (BNA) ötən il paytaxtda 31 məntəqədə 179 ədəd piyada və nəqliyyat işıqforu quraşdırıb.

Avtosfer.az bu barədə Agentliyə istinadən xəbər verir.

Məlumatda deyilir ki, 2021-ci ildə Bakının 27 küçə və prospekintdə 120-ə yaxın eynisəviyyəli piyada keçidi təşkil edilib. Nizamlanan piyada keçidlərində hərəkət təhlükəsizliyi səviyyəsinin artırılması məqsədilə 58 məntəqədə mövcud işıqforlara piyada seksiyası quraşdırılıb. 10 məntəqədə işıqfor səs siqnalı ilə təchiz edilib.

4 küçə və prospektdə səkilər “ideal səki” tələbinə uyğunlaşdırılıb. 123 məntəqədə piyada yol göstəricisi nişanı quraşdırılıb.

19 taksi duracaq məntəqəsi təşkil edilib. İl ərzində Bilgəh qəsəbəsində əsasən istirahət mərkəzlərini əhatə edən 2 km-lik velosiped yolu təşkil edilib. Şəhər mərkəzində isə 7,5 km uzunluğunda velosiped yolunun tikintisinə başlanılıb. Pilot layihə olan bu yolun artıq ilk 2 km-ə qədər hissəsinə asfalt örtük vurulub.