Yol polisinin bu görüntüləri sosial mediada rəğbətlə qarşılandı - VİDEO

Abşeron rayonu ərazisində baş vermiş hadisə zamanı Yol-Patrul Xidməti (YPX) əməkdaşının göstərdiyi yardımsevərlik görüntüləri sosial şəbəkələrdə rəğbətlə qarşılanıb.

Avtosfer.az xəbər verir ki, Masazır dairəsində “VAZ 2104” markalı avtomobilin üzərində daşınan meyvə-tərəvəz məhsulları hərəkət zamanı yola tökülüb. Avtomobildə düzgün yığılmayan məhsulların yerə dağılması nəticəsində ərazidə xidmət aparan yol polisi əməkdaşı dərhal vətəndaşa yardım edib.

Polis yola dağılan məhsulların yığılmasında vətəndaşa kömək göstərərək məhsulun zay olmasının qarşısını alıb. Onun bu nümunəvi davranışı ərazidəki insanlar tərəfindən də təqdir olunub. Hadisə mobil telefonla qeydə alınıb və sosial şəbəkələrdə yayılaraq istifadəçilər tərəfindən yüksək qiymətləndirilib.

Eltac Zülfüqaroğlu