Xırdalanın məşhur prospektində yol dağılıb: Sürücülər və piyadalar əziyyət çəkir - VİDEO

Xırdalan şəhəri, Həsən Əliyev prospektində yolun bir hissəsi istifadəyə yararsızdır. 

Xoşagəlməz halla bağlı izləyicilərdən biei Avtosfer.az-ın “Whatsapp” adresinə videomaterial göndərib. O bildirib ki, sözügedən ərazidə yolun asfalt örtüyü uzun müddətdir dağılıb və çuxur, çökəkliklərlə doludur. Nəticədə yoldan keçən sürücülər əziyyət çəkirlər. Belə ki, onlar yoldakı çuxurlara düşməmək üçün qarşı tərəfə keçməli olurlar. Bu isə əks istiqamətdən gələn maşınlarla toqquşma riski yaradır. Digər tərəfdən yolun bərbad vəziyyətdə olması maşınların ehtiyat hissələrinin sıradan çıxmasına gətirib çıxarır. Eyni zamanda nəqliyyat vasitələri dağılmış yoldan keçərkən toz-duman ətrafı bürüyür. Nəticədə ərazidən keçən piyadalar da çətin vəziyyətlə üzləşirlər. 

Nərmin