Aİ daxili yanma mühərrikli avtomobillərə qoyulan qadağanı ləğv edəcək

Avropa Komissiyası daxili yanma mühərrikli nəqliyyat vasitələrinin satışını tamamilə qadağan etmək planlarından imtinanı təklif edib

16 dekabrda Avropa Komissiyası 2035-ci ilə qədər Avropa İttifaqında (Aİ) yeni daxili yanma mühərrikli nəqliyyat vasitələrinin satışını tamamilə qadağan etmək planlarından imtinanı təklif edib.

Avtosfer.az xarici mediaya istinadən bildirir ki, plan əvvəllər Aİ-nin iqlim dəyişikliyi öhdəliklərinə nail olmaq üçün təsdiq edilmişdi. Lakin bir neçə Aİ ölkəsi, eləcə də aparıcı avtomobil istehsalçıları bu tədbirə qarşı çıxıblar. Düzəliş edilmiş plan daxili yanma mühərrikli nəqliyyat vasitələrinin satışlarının 2021-ci illə müqayisədə 90% azaldılmasını nəzərdə tutur, lakin tam qadağanı nəzərdə tutmur.

Almaniya bu yaxınlarda tam qadağanın tənqidinə qoşulub. Kansler Fridrix Merz Almaniya və Avropanın ən böyük avtomobil istehsalçısı olan “Volkswagen” kimi, qərarı alqışlayıb. Digər tərəfdən, “Greenpeace” onu tənqid edib.

Aİ tullantıların kökündən azaldılması ideyasından imtina etməsə də, son zamanlar bir sıra ekoloji tədbirləri nəzərdən keçirir ki, bu da bir çox biznes və siyasətçilərin, əsasən siyasi spektrin sağçılarının tələb etdiyi tələbdir./ayna.az