Avtomobilə bunlar quraşdırıla bilməz - VİDEO

"Avtomobilə nəzərdə tutulmamış detallar quraşdırıb, bəzi işbazların cibini doldurmayın".

Avtosfer.az xəbər verir ki, bunu “AvtoFM” verlişində Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli deyib.

O bildirib ki, duman işıqları ilə bağlı böyük problemlər var: "Duman yerlərinə böyük işıqlar quraşdırırlar. Günün qaranlıq saatlarında isə yol polisi əməkdaşları bunu görüb,  avtomobili saxlayırlar. Artıq bu qaydanı pozanlar özləri polis əməkdaşlarını səsləyir". 

Araz Əsgərli qeyd edib ki, avtomobillərə nəzərdə tutulmamış detallar quraşdırıb, müəyyən işbazların cibini doldurmayın: "Həm detala, həm də cəriməyə pul verməyin.  Həmçinin insanların həyatını təhlükəyə atmayın".