Azərbaycanda elektromobillər üçün infrastruktur genişləndiriləcək

Azərbaycanda elektrik mühərrikli avtonəqliyyat vasitələrindən istifadə üzrə infrastruktur genişləndiriləcək.

Avtosfer.az xəbər verir ki, bunu Energetika Nazirliyinin nümayəndəsi Rauf Qurbanov deyib.

Onun sözlərinə görə, hazırda parklanma yerlərində bu infrastrukturun yaradılması ilə bağlı altı tədbir nəzərdə tutulur.

"Həmin tədbirlər çərçivəsində avtomobil parkinqlərində enerji doldurma məntəqələrinin yaradılması, elektrik və hibrid avtomobillərin dayanacaqdan, eyni zamanda ödənişli yollardan gələcəkdə güzəştli istifadə edilməsi nəzərdə tutulur", - deyə R. Qurbanov qeyd edib.

Yazı “Jurnalistika və İnkişaf Mərkəzi” İctimai Birliyi Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə "Ətraf mühit və insan sağlamlığının qorunmasında yol hərəkəti təhlükəsizliyinin rolu" mövzusunda layihə çərçivsində hazırlanıb